ગુજરાત માધ્યમિક અને ઉચ્ચતર માધ્યમિક શિક્ષણ બોર્ડની ધોરણ 10 અને 12ની પરીક્ષાનો આજથી પ્રારંભ થયો છે. સવારે 9:15 વાગ્યાથી તમામ પરીક્ષા કેન્દ્રો પર બાળકોનું ચેકિંગ કરી, ફૂલ, ચોકલેટ, પેન અને તિલક કરી પ્રવેશ આપવામાં આવ્યો હતો. વિદ્યાર્થીઓ સમય પહેલાં જ પરીક્ષા કેન્દ્રો પર પહોંચી ગયા હતા. હાલ 10 વાગ્યાથી ધોરણ 10ની પરીક્ષા શરૂ થઇ ગઈ છે. ધોરણ 12નું બપોરે 3 વાગ્યે પેપર શરૂ થવાનું છે. આ વર્ષે ધોરણ 10 અને 12 સામાન્ય પ્રવાહ તથા વિજ્ઞાન પ્રવાહના મળીને કુલ 14,28,175 વિદ્યાર્થીઓ પરીક્ષા આપશે. જેમાં નિયમિત, રીપીટર, આઇસોલેટેડ, ખાનગી અને ખાનગી રીપીટર વિદ્યાર્થીઓ છે.
ધોરણ 10ના બોર્ડનું પ્રથમ ભાષાનું પેપર છે. જેમાં ગુજરાતી મીડિયમના વિદ્યાર્થીઓને ગુજરાતી અને અંગ્રેજી મીડિયમના વિદ્યાર્થીઓને અંગ્રેજી ભાષાનું પેપર છે. જ્યારે 12 સામાન્ય પ્રવાહની પરીક્ષા આપનાર વિદ્યાર્થીઓનું પ્રથમ પેપર અર્થશાસ્ત્ર અને 12 વિજ્ઞાન પ્રવાહની પરીક્ષા આપનાર વિદ્યાર્થીઓનું પ્રથમ પેપર ભૌતિક વિજ્ઞાન છે.
કેટલા વિદ્યાર્થીઓ પરીક્ષા આપશે
ધોરણ 10
- નિયમિત વિદ્યાર્થીઓ – 7,62,495
- રીપીટર વિદ્યાર્થી – 82,132
- આઇસોલેટેડ – 28,414
- ખાનગી – 15,548
- ખાનગી રીપીટર – 4,293
- કુલ – 8,92,882
ધોરણ 12 સામાન્ય પ્રવાહ
- નિયમિત વિદ્યાર્થીઓ – 3,64,859
- રીપીટર વિદ્યાર્થી – 22,652
- આઇસોલેટેડ – 4,031
- ખાનગી – 24,061
- ખાનગી રીપીટર – 8,306
- કુલ – 4,23,909
ધોરણ 12 વિજ્ઞાન પ્રવાહ
- નિયમિત વિદ્યાર્થીઓ – 1,00,813
- રીપીટર વિદ્યાર્થી – 10,476
- આઇસોલેટેડ – 95
- કુલ – 1,11,38
