RBIમાં મેડિકલ કન્સલ્ટન્ટની આ નોકરી માટે, ઉમેદવારો પાસે મેડિકલ કાઉન્સિલ ઓફ ઈન્ડિયા દ્વારા માન્યતા પ્રાપ્ત યુનિવર્સિટીમાંથી MBBS ડિગ્રી હોવી આવશ્યક છે. જનરલ મેડિસિનમાં પોસ્ટ ગ્રેજ્યુએશન કરેલ ઉમેદવારો પણ આ પોસ્ટ માટે અરજી કરવા પાત્ર છે. આ ઉપરાંત, ઉમેદવારો પાસે તબીબી વ્યવસાયી તરીકે બે વર્ષનો અનુભવ પણ હોવો જોઈએ. ઉમેદવારો ભરતીની સત્તાવાર સૂચનામાંથી લાયકાત સંબંધિત વિગતવાર માહિતી પણ ચકાસી શકે છે.
મેડિકલ કન્સલ્ટન્ટના પદ માટે ઉમેદવારોની પસંદગી ઇન્ટરવ્યુ અને ડોક્યુમેન્ટ વેરિફિકેશન પ્રક્રિયા દ્વારા કરવામાં આવશે. એટલે કે આ ભરતી માટે કોઈ લેખિત પરીક્ષા લેવામાં આવશે નહીં. લઘુત્તમ લાયકાત પૂર્ણ કરનારા ઉમેદવારોને ઇન્ટરવ્યુ માટે બોલાવવામાં આવશે. રિઝર્વ બેંકમાં આ ભરતી 3 વર્ષ માટે કરારના આધારે કરવામાં આવી રહી છે. જેમાં પસંદગી પામેલા ઉમેદવારોને પ્રતિ કલાક 1000 રૂપિયાના દરે સેલેરી આપવામાં આવશે.
અરજી આ સરનામે મોકલવાની રહેશે
RBI ની આ ખાલી જગ્યા પર, ઉમેદવારોએ અરજી ફોર્મ ભરીને નિર્ધારિત સરનામે મોકલવાનું રહેશે. અરજી ફોર્મની લિંક તેની અધિકારીત વેબસાઇટ પરથી મળી જશે. આ ફોર્મને ઓનલાઈન ભરીને તેને આ સરનામે મોકલવાનું રહેશે. – “પ્રાદેશિક નિયામક, માનવ સંસાધન વ્યવસ્થાપન વિભાગ, ભરતી વિભાગ, ભારતીય રિઝર્વ બેંક, કોલકાતા પ્રાદેશિક કાર્યાલય, 15, નેતાજી સુભાષ રોડ, કોલકાતા 700001.” આ RBI ભરતી સંબંધિત અન્ય કોઈપણ માહિતી માટે, ઉમેદવારો રિઝર્વ બેંકની સત્તાવાર વેબસાઇટની મુલાકાત લઈ શકે છે.
