Mahakumbh Vasant Panchami : આજે એટલે કે રવિવારે દેશભરમાં વસંત પંચમીનો તહેવાર ધામધૂમથી ઉજવવામાં આવી રહ્યો છે. મહાકુંભમાં પણ વહીવટી તંત્રએ વસંત પંચમીના અમૃતસ્નાનની તૈયારીઓ પૂર્ણ કરી લીધી છે. અંદાજ લગાવવામાં આવી રહ્યો છે કે, વસંત પંચમીના અવસર પર દેશ અને દુનિયામાંથી લગભગ 3 કરોડ ભક્તો મહાકુંભમાં અમૃત સ્નાન કરશે. મૌની અમાવસ્યા નિમિત્તે થયેલી નાસભાગમાંથી શીખીને વહીવટીતંત્રે ટ્રાફિક, સુરક્ષા અને ભીડ વ્યવસ્થાપનની વ્યવસ્થામાં સુધારો કર્યો છે.
વસંત પંચમી નિમિત્તે અમૃત સ્નાન માટે લોકોની ભીડ ઉમટી પડી છે. અમૃત સ્નાન પ્રસંગે મોટી સંખ્યામાં ભક્તો પ્રયાગરાજ પહોંચી રહ્યા છે. વસંત પંચમીનો તહેવાર આજે દેશભરમાં ધામધૂમથી ઉજવવામાં આવી રહ્યો છે. વસંત પંચમીની તારીખ 2જી ફેબ્રુઆરીએ સવારે 9.14 કલાકે શરૂ થશે. તારીખ 3 ફેબ્રુઆરીએ સવારે 6:52 કલાકે પૂર્ણ થશે. 2ના રોજ વસંત પંચમીનો તહેવાર ઉજવાશે. જો કે ધાર્મિક માન્યતાઓ અનુસાર મહાકુંભનું અમૃત સ્નાન બ્રહ્મ મુહૂર્તમાં કરવામાં આવે છે. તેથી વસંત પંચમીનું અમૃત સ્નાન 3જી ફેબ્રુઆરીએ થશે.
વસંત પંચમી પહેલા CMએ લીધી મુલાકાત
વસંત પંચમી પહેલા રાજ્યના મુખ્યમંત્રી યોગી આદિત્યનાથે મહાકુંભ વિસ્તારની મુલાકાત લીધી હતી. આ દરમિયાન તેમણે અહીંની તૈયારીઓની સમીક્ષા કરી હતી. મૌની અમાવસ્યા નિમિત્તે થયેલી નાસભાગને જોતા પોલીસે ઘાટો પર ચાંપતી નજર રાખવાનું શરૂ કરી દીધું છે. પોલીસ સંગમ નાક વિસ્તારમાં કોઈને રોકવા દેતી નથી. વસંત પંચમીને લઈને ડીએમ પ્રયાગરાજ રવિન્દ્ર કુમારે કહ્યું કે. વસંત પંચમીના અવસર પર પ્રયાગરાજમાં બીજી અને ત્રીજી ફેબ્રુઆરીએ ડાયવર્ઝન સ્કીમ લાગુ કરવામાં આવશે. વાહનોના પ્રવેશ પર કોઈપણ પ્રકારનો પ્રતિબંધ રહેશે નહીં.
VIP પાસ કેન્સલ
CM યોગીએ પ્રશાસનને વસંત પંચમીના અવસર પર વ્યવસ્થાને ઝીરો એરર રાખવાના નિર્દેશ આપ્યા છે. મહાકુંભમાં નાસભાગ બાદ પ્રશાસને તમામ પ્રકારના વીઆઈપી પાસ રદ કરી દીધા છે. તેમજ ભીડને કાબૂમાં રાખવા માટે ‘વન વે રૂટ’ લાગુ કરવામાં આવ્યો છે. રેલવેએ વસંત પંચમી અમૃત સ્નાનને લઈને કેટલીક વિશેષ ટ્રેનો ચલાવવાની પણ વ્યવસ્થા કરી છે. મહાકુંભ દરમિયાન સુચારૂ વ્યવસ્થા જાળવવા વહીવટીતંત્ર બહારના જિલ્લાઓમાંથી આવતા વાહનોને શહેરની હદ બહાર અટકાવશે.
20 લાખ ભક્તો અયોધ્યા પહોંચશે!
વસંત પંચમીના અવસર પર 20 લાખ શ્રદ્ધાળુઓ અયોધ્યા પહોંચશે તેવી આશા છે. શ્રદ્ધાળુઓની સુવિધાને ધ્યાનમાં રાખીને વહીવટીતંત્રે અયોધ્યામાં ટ્રાફિક ડાયવર્ઝન લાગુ કર્યું છે. તેમજ બહારના જિલ્લાઓમાંથી આવતા વાહનોને જિલ્લાની સરહદે જ રોકવામાં આવશે. ભીડને નિયંત્રિત કરવા માટે, ભક્તોએ સરયુ ઘાટ, રામ મંદિર અને હનુમાનગઢીમાં સ્નાન કરવા, દર્શન કરવા અને પૂજા કરવા માટે પાંચથી આઠ કિલોમીટર ચાલવું પડે છે.
