દિલ્હી વિધાનસભા ચૂંટણીના વલણોમાં, ભાજપ 27 વર્ષ પછી સત્તામાં પાછી ફરી રહી હોય તેવું લાગે છે. 2 કલાકની ગણતરી પછી, ચૂંટણી પંચના આંકડા દર્શાવે છે કે 70 બેઠકોમાંથી, ભાજપ 46 બેઠકો પર અને આમ આદમી પાર્ટી (AAP) 25 બેઠકો પર આગળ છે.
આ પહેલાં, 1993માં ભાજપે દિલ્હીમાં સરકાર બનાવી હતી. ત્યારે ભાજપે 5 વર્ષમાં 49 બેઠકો જીતી હતી અને એ દરમિયાન 3 મુખ્યમંત્રી બદલ્યા હતા.
દિલ્હી રમખાણો જ્યાં થયા હતા તે મુસ્તફાબાદ બેઠક પર ભાજપના મોહન બિષ્ટ 40,000 મતોથી આગળ છે. અહીં દિલ્હી રમખાણોના આરોપી તાહિર હુસૈન ચોથા નંબરે છે.
AAPના મોટા માથાઓ ચૂંટણીમાં જીતવા માટે ઝઝૂમી રહ્યા છે. નવી દિલ્હી બેઠક પરથી આમ આદમી પાર્ટી (AAP)ના અરવિંદ કેજરીવાલ અને ભાજપના પ્રવેશ શર્મા વચ્ચે જોરદાર ટક્કર ચાલી રહી છે. હાલના AAP સુપ્રિમો કેજરીવાલ અંદાજે 300 વોટથી પાછળ ચાલી રહ્યા છે. જ્યારે બીજી તરફ, કાલકાજી બેઠક પરથી આતિશી, માલવીય નગરથી સોમનાથ ભારતી, શકૂરબસ્તીથી સત્યેન્દ્ર જૈન, ગ્રેટર કૈલાશથી સૌરભ ભારદ્વાજ પાછળ છે. જેના માટે મનીષ સિસોદિયાએ પોતાની પરંપરાગત સીટ છોડી, તેવા અવધ ઓઝા પટપરગંજ સીટ પાછળ છે. જ્યારે જંગપુરા બેઠક પરથી મનીષ સિસોદિયા આગળ છે. કોંગ્રેસના પૂર્વ મુખ્યમંત્રી શિલા દીક્ષિતના પુત્ર સંદીપ દીક્ષિત પણ નવી દિલ્હીથી પાછળ છે.
આ દરમિયાન, જમ્મુ-કાશ્મીરના મુખ્યમંત્રી ઓમર અબ્દુલ્લાએ AAP પર કટાક્ષ કર્યો છે. તેમણે પોસ્ટમાં લખ્યું- લડો હજુ એકબીજા સાથે…
CM આતિશી સહિત 3 મંત્રીઓ પાછળ, 3 આગળ
- કાલકાજી બેઠક પરથી આતિશી ભાજપના રમેશ બિધુરીથી 2,800 મતોથી પાછળ છે.
- ગ્રેટર કૈલાશ બેઠક પરથી સૌરભ ભારદ્વાજ ભાજપના શિખા રાયથી 2721 મતોથી પાછળ છે.
- બાબરપુર બેઠક પરથી ગોપાલ રાય 20750 મતોથી આગળ છે. અહીં ભાજપના અનિલ વશિષ્ઠ બીજા સ્થાને છે.
- બલ્લીમારન બેઠક પરથી ઇમરાન હુસૈન 15302 મતોથી આગળ છે. ભાજપના કમલ બાગરી બીજા સ્થાને છે.
- સુલતાનપુર મઝરા બેઠક પરથી મુકેશ અહલાવત 6872 મતોથી આગળ છે. ભાજપના કરમ સિંહ બીજા સ્થાને છે.
- નાંગલોઈ જાટ બેઠક પરથી રાઘવેન્દ્ર શૌકીન 10765 મતોથી પાછળ છે. ભાજપના મનોજ શૌકીન અહીં આગળ છે.
દિલ્હીની 9 હોટ સીટ: AAP ફક્ત 3 પર આગળ
| સીટ | AAP | ભાજપ | કોણ આગળ? |
| નવી દિલ્હી | અરવિંદ કેજરીવાલ | પ્રવેશ વર્મા | BJP |
| જંગપુરા | મનીષ સિસોદિયા | તરવિંદ સિંહ મારવાહ | AAP |
| કાલકાજી | આતિશી | રમેશ બિધૂરી | BJP |
| બાબરપુર | ગોપાલ રાય | અનિલ કુમાર | AAP |
| શકૂર બસ્તી | સત્યેન્દ્ર જૈન | કરનૈલ સિંહ | BJP |
| માલવીય નગર | સોમનાથ ભારતી | સતીશ ઉપાધ્યાય | BJP |
| ગ્રેટર કૈલાશ | સૌરભ ભારદ્વાજ | શિખા રાય | BJP |
| ઓખલા | અમાનતુલ્લાહ ખાન | મનીષ ચૌધરી | AAP |
| પટપરગંજ | અવધ ઓઝા | રવીન્દ્ર સિંહ નેગી | BJP |
