એક બાજુ આખી દુનિયા HMPV થી અલર્ટ મોડમાં છે, ત્યારે બીજી બાજુ અમેરિકામાં બર્ડ ફ્લૂનું જોખમ વધી ગયું છે. લુઈસિયાનામાં H5N1 થી પહેલી મોત થયા બાદ આ વાયરસને લઈને ડર વધી ગયો છે. લુસિયાનાના મેડિકલ ડિપાર્ટમેન્ટે જણાવ્યું છે કે અમેરિકામાં હાઈલી પેથોજેનિક એવિયન ઇન્ફ્લુએન્જા (HPAI) કે H5N1 થી પહેલું મૃત્યુ થયું છે. મૃત્યુ પામનાર વ્યક્તિની ઉંમર 65 વર્ષ હતી, તેને પોતાના ઘર પાછળ ઘણા જંગલી પક્ષી પાળ્યા હતા જેના સંપર્કમાં આવ્યા બાદ તે H5N1 નો શિકાર બન્યો.
અત્યાર સુધી આ વાયરસે માણસોમાં ફેલાવાના કોઈ પ્રૂફ નથી મળ્યા. એવામાં પક્ષીઓ ખાસ કરીને મરઘીઓથી બચીને રહેવાની સલાહ આપવામાં આવે છે. આ પરિસ્થિતિમાં મરઘીઓના ઈંડા ઘરમાં રાખવા કે તેમણે ખવાય સુરક્ષિત છે. તો ચાલો આ વિશે એક્સપર્ટ પાસેથી જાણીએ..
શું ઈંડા ખાવાથી થઈ શકે છે બર્ડ ફ્લૂ
હેલ્થ એક્સપર્ટ્સનું માનવું છે કે કરિયાણાની દુકાનમાં જે ઈંડા મળી રહ્યા છે, જો તેને યોગ્ય રીતે પકવવામાં આવે તો તે સુરક્ષિત છે. કારણ કે HPAI પોલ્ટ્રી ફર્મમાં વધુ સંક્રામક છે. એટલા માટે સાવચેતી રાખવી જોઈએ, આ સંક્રમિત પક્ષીઓ અને દૂષિત કપડાં કે પગરખાંના સંપર્કથી ફેલાય છે.
શું બર્ડ ફ્લૂમાં ઈંડા ખાવા જોખમી છે?
અમેરિકન ફૂડ એન્ડ ડ્રગ એડમિનિસ્ટ્રેશન(FDA) અનુસાર, બર્ડ ફ્લૂથી સંક્રમિત પક્ષીઓના ઈંડાને રિટેલ માર્કેટ સુધી પહોંચવાની શક્યતા ખૂબ ઓછી છે. FDA અને USDAએ 2010માં આની તપાસ પણ કરી હતી, જેમાં જોવા મળ્યું હતું કે ઈંડા છાલડાથી વ્યક્તિ સંક્રમિત થવાની ખૂબ ઓછી શક્યતા છે. વોશિંગ્ટન યુનિવર્સિટીમાં પ્રોફેસરનું કહેવું છે કે યોગ્ય રીતે પકવેલા ઈંડા ખાઈ શકાય છે. આ સુરક્ષિત હોય છે પરંતુ કાચા દૂધથી બચીને રહેવું જોઈએ. ખાસ કરીને એવિયન ફ્લૂથી સંક્રમિત ગાયોનું દૂધ ન પીવું જોઈએ. દૂધ ઉકાળીને પીવાથી આનું જોખમ ઘટે છે.
