એક મીડિયા રિપોર્ટ અનુસાર જુબીલેન્ટ ગ્રુપ કોકા-કોલાના ભારતીય હિસ્સાને કહૃદવાની તૈયારી કરી રહી છે. આ પગલું તેના ઝડપથી બેવરેજના માર્કેટને કવર કરવાનું છે. એક રિપોર્ટ અનુસાર જુબીલેન્ટ ગ્રૂપના પ્રમોટર ભરતીયા ફેમિલીએ આ વિશે જાણકારી આપી હતી.
આ હિસ્સેદારીનો હેતુ હિન્દુસ્તાન કોકા-કોલા હોલ્ડિંગ્સ (HCCH) છે, જે હિન્દુસ્તાન કોકા-કોલા બેવરેજીસ પ્રાઇવેટ લિમિટેડની પેરેન્ટ કંપની છે અને દેશની સૌથી મોટી કોકા-કોલા બોટલર છે. જુબીલેન્ટ યુએસ સ્થિત ગોલ્ડમેન સૅક્સ પાસેથી રૂ. 12500 કરોડ (લગભગ $1.45 બિલિયન) ની લોન મર્યાદા મેળવી છે ત્યારે આ ગ્રુપ લોકલ બજારમાંથી વધારાનું ભંડોળ ભેગું કરવાનો પ્લાન કરી રહ્યું છે.
4 થી 5 હજાર કરોડ ભેગા કરવાની યોજના
જુબીલેન્ટ સ્થાનિક ધિરાણકર્તાઓ, મ્યુચ્યુઅલ ફંડ્સ, HNIs અને ઇક્વિટી દ્વારા રૂ. 4,000-5,000 કરોડ એકત્ર કરવાનો ઇરાદો ધરાવે છે. સ્થાનિક સ્તરે એકત્ર કરાયેલા કોઈપણ ભંડોળથી ગોલ્ડમેન સૅક્સ પાસેથી જરૂરી લોનની રકમમાં ઘટાડો થશે. આ સોદો જુબિલન્ટ ગ્રુપ માટે ખૂબ જ મહત્વપૂર્ણ છે કારણ કે તે દેશના બેવરેજ માર્કેટમાં તેના વ્યવસાયને વિસ્તૃત કરવાની ઈચ્છા ધરાવે છે. આ ડીલ કોકા-કોલાના સૌથી મોટા વૈશ્વિક બજારમાં જ્યુબિલન્ટને એક મુખ્ય ખેલાડી તરીકે સ્થાપિત કરશે.
