કેનેડાના ટોરોન્ટોમાં પિયર્સન ઇન્ટરનેશનલ એરપોર્ટ પર લેન્ડિંગ દરમિયાન ડેલ્ટા એર લાઇન્સનું વિમાન ક્રેશ થયું. આમાં 18 લોકો ઘાયલ થયા હતા, જેમાંથી 2ની હાલત ગંભીર હોવાનું કહેવાય છે. વિમાનમાં 80 લોકો સવાર હતા. વિમાનમાં 76 મુસાફર અને 4 ક્રૂ-સભ્યો સવાર હતા.
મીડિયા રિપોર્ટ્સ અનુસાર, વિમાન અમેરિકાના મિનિયાપોલિસથી ટોરોન્ટો આવી રહ્યું હતું. ફ્લૅપ એક્ટ્યુએટર ફેલ્યોર (FAF)ના કારણે વિમાન અચાનક પલટી ગયું. એનો અર્થ એ કે લેન્ડિંગ દરમિયાન વિમાનની વિંગ્સ પરના ફ્લૅપ્સ યોગ્ય રીતે કામ કરતા ન હતા.
એ જ સમયે કેટલાક લોકો કહે છે કે અકસ્માત સમયે ટોરોન્ટોમાં ભારે બરફનું તોફાન હતું. હવામાન વિભાગ કેનેડા અનુસાર, 65 કિમી/કલાકની ઝડપે પવન ફૂંકાઈ રહ્યો હતો. આ કારણે વિમાન પલટી ગયું. જોકે અકસ્માતનું ચોક્કસ કારણ જાણી શકાયું નથી.
ટ્રાન્સપોર્ટેશન સેફ્ટી બોર્ડ ઓફ કેનેડા (TSB) આ અકસ્માતની તપાસ કરી રહ્યું છે. યુએસ નેશનલ ટ્રાન્સપોર્ટેશન સેફ્ટી બોર્ડ (NTSB) પણ આમાં મદદ કરી રહ્યું છે.
