અમેરિકાની 2026ની મધ્યસત્ર ચૂંટણીમાં ડેમોક્રેટિક પાર્ટીએ ઐતિહાસિક જીત મેળવી છે. એસોસિયેટેડ પ્રેસના અહેવાલ મુજબ, ડેમોક્રેટ્સે અમેરિકાની સંસદનાં બંને ગૃહો, હાઉસ ઓફ રિપ્રેઝન્ટેટિવ્સ અને સેનેટમાં બહુમતી મેળવી છે. આ પરિણામ રાષ્ટ્રપતિ ડોનાલ્ડ ટ્રમ્પ અને રિપબ્લિકન પાર્ટી માટે મોટો રાજકીય ઝટકો માનવામાં આવી રહ્યો છે.
ચૂંટણીમાં મોંઘવારી, જીવનનિર્વાહનો વધતો ખર્ચ, સરકારની કામગીરી અને ઈરાન સાથેના યુદ્ધ જેવા મુદ્દાઓ મહત્વના રહ્યા હતા. ડેમોક્રેટ્સે ટેક્સાસ, સાઉથ કેરોલિના, આયોવા અને કેન્સાસ જેવા પરંપરાગત રીતે રિપબ્લિકન પ્રભાવ ધરાવતા વિસ્તારોમાં પણ સફળતા મેળવી છે.
બંને ગૃહોમાં બહુમતી મળવાથી હવે ટ્રમ્પ સરકાર માટે નવા કાયદા પસાર કરાવવા અને પોતાના રાજકીય એજન્ડાને આગળ વધારવાનું વધુ મુશ્કેલ બની શકે છે. બીજી તરફ, ડેમોક્રેટ્સને સરકારના નિર્ણયો અને નીતિઓની તપાસ કરવાની વધુ રાજકીય તાકાત મળશે.
આ પરિણામ માત્ર અમેરિકાની આંતરિક રાજનીતિ પૂરતું મર્યાદિત નથી. અમેરિકાની વેપાર નીતિ, વિદેશ નીતિ અને વૈશ્વિક અર્થતંત્ર પર પણ તેની અસર જોવા મળી શકે છે. ભારત સહિતના દેશો માટે અમેરિકાના આગામી રાજકીય નિર્ણયો મહત્વપૂર્ણ રહેશે.
