JEE Main 2025: નેશનલ ટેસ્ટિંગ એજન્સી (NTA)એ જોઈન્ટ એન્ટ્રન્સ એક્ઝામિનેશન (JEE Main 2025)ની પરીક્ષા માટે સત્તાવાર શેડ્યૂલ બહાર પાડ્યું છે. JEE મેઈનના પ્રથમ સત્રની પરીક્ષા 22 જાન્યુઆરીથી 30 જાન્યુઆરી વચ્ચે લેવામાં આવશે.
ત્રણ દિવસ પહેલા એડમિટ કાર્ડ જાહેર કરવામાં આવશે
પરીક્ષાના ત્રણ દિવસ પહેલા એડમિટ કાર્ડ જાહેર કરવામાં આવશે અને સિટી સ્લિપ આવતા અઠવાડિયે રિલીઝ થવાની ધારણા છે. જે ઉમેદવારોએ પરીક્ષામાં હાજર રહેવા માટે પોતાનું રજીસ્ટ્રેશન કરાવ્યું છે તેઓને સલાહ આપવામાં આવે છે કે તેઓ અપડેટ ચૂકી ન જાય તે માટે સત્તાવાર વેબસાઇટની મુલાકાત લેતા રહે.
દેશભરમાં પરીક્ષા કેન્દ્રો સ્થાપિત કરવામાં આવશે
એજન્સીએ કહ્યું કે, સંયુક્ત એન્ટ્રન્સ એક્ઝામ માટે દેશભરના વિવિધ શહેરોમાં પરીક્ષા કેન્દ્રો સ્થાપિત કરવામાં આવશે. વિદેશોમાં પણ 15 કેન્દ્રો સ્થાપવામાં આવ્યા છે. JEE મેઈનના બીજા સત્રનું આયોજન એપ્રિલ 1થી 8 એપ્રિલ, 2025 દરમિયાન હાથ ધરવામાં આવશે. તેના માટે નોંધણી સત્ર 1 ના પરિણામો જાહેર થયા પછી શરૂ થશે.
NTAએ પરીક્ષાની પેટર્નમાં સુધારો કર્યો
નેશનલ ટેસ્ટિંગ એજન્સીએ સત્તાવાર વેબસાઇટ jeemain.nta.nic.in પર JEE મેઇન 2025 પરીક્ષા પેટર્નમાં સુધારો કર્યો છે. જેમાં પેપર 1 અને 2 બંનેમાંથી વિભાગ Bમાં વૈકલ્પિક પ્રશ્નો દૂર કરવામાં આવ્યા છે. હવે વિભાગ Bના પાંચેય પ્રશ્નોના જવાબ આપવા ફરજિયાત છે. NTAએ બંને પેપરના સેક્શન Bમાં -1 નેગેટિવ માર્કિંગ પણ રજૂ કર્યું છે. એજન્સીએ સંયુક્ત એન્ટ્રન્સ ટેસ્ટ JEE મેન્સ 2025ના વિભાગ Bમાં વૈકલ્પિક પ્રશ્નોને બંધ કરવાનો નિર્ણય જાહેર કર્યો છે. આ વૈકલ્પિક પ્રશ્નો COVID-19 મહામારી દરમિયાન શરૂ કરવામાં આવ્યો હતો.
JEE મેઈન પરીક્ષા પેટર્ન
JEE મેઇન 2025ની સુધારેલી પેટર્ન મુજબ, વિભાગ Bમાં વૈકલ્પિક પ્રશ્નોનો સમાવેશ થશે નહીં. દરેક વિષયમાં માત્ર 5 પ્રશ્નો હશે અને વિદ્યાર્થીઓએ તમામ 5 પ્રશ્નોના જવાબ આપવાના રહેશે. JEE મેઈન 2025ના અભ્યાસક્રમમાં ત્રણ વિષયો ભૌતિકશાસ્ત્ર, રસાયણશાસ્ત્ર, ગણિતનો સમાવેશ થાય છે. પરીક્ષામાં 3 પેપર B.Tech અને BE માટે પેપર 1, B.Arch માટે પેપર 2A અને B.Plan માટે પેપર 2B હશે. JEE મુખ્ય 2025 પેપર 1માં 75 બહુવિક્લ્પીય સવાલો હશે.
