Prime Minister Internship Scheme: દેશના યુવાનોને ટોચની કંપનીઓમાં કામ કરવાનો અનુભવ આપવા માટે ભારત સરકારે પીએમ ઇન્ટર્નશિપ યોજના શરૂ કરી છે. આ યોજના યુવાનોને માત્ર તેમના કૌશલ્ય વિકસાવવાની તક જ નહીં આપે પરંતુ ભવિષ્યમાં તેમની નોકરીની સંભાવનાઓ પણ વધારશે. સરકારની આ યોજના દેશના 1.25 લાખ યુવાનોને જાણીતી કંપનીઓમાં ઇન્ટર્નશિપ કરવાની તક પૂરી પાડશે.
સરકારે પીએમ ઇન્ટર્નશિપ સ્કીમ (PMIS) માટે નોંધણીની અંતિમ તારીખ લંબાવી છે, જેથી હવે વધુ વિદ્યાર્થીઓ અને યુવા વ્યાવસાયિકો આ શાનદાર યોજના માટે અરજી કરી શકશે. જો તમે હજુ સુધી અરજી કરી નથી, તો પણ તમારી પાસે નોંધણી કરાવવાની તમારી પ્રોફાઇલ બનાવવાની અને વિવિધ ક્ષેત્રોમાં ઇન્ટર્નશિપની તકો શોધવાની તક છે. પીએમ ઇન્ટર્નશિપ સ્કીમ માટે અરજી કરવા માટે હવે ફક્ત થોડા દિવસો બાકી છે.
PMIS માટે અરજી કરવાની છેલ્લી તારીખ ?
પીએમ ઇન્ટર્નશિપ યોજના માટે નોંધણી માટેની છેલ્લી તારીખ 31 માર્ચ, 2025 સુધી લંબાવવામાં આવી છે. ઇન્ટર્નશિપ તક માટે લાયક બનવા માટે તમારે આ તારીખ પહેલાં તમારી અરજી કરવી આવશ્યક છે. માહિતી માટે અમે તમને જણાવી દઈએ કે અગાઉ નોંધણીની છેલ્લી તારીખ 12 માર્ચ 2025 હતી.
પીએમ ઇન્ટર્નશિપ યોજના શું છે?
પીએમ ઇન્ટર્નશિપ સ્કીમ (PMIS) એ એક સરકારી પહેલ છે જેની જાહેરાત નાણામંત્રી નિર્મલા સીતારમણ દ્વારા કેન્દ્રીય બજેટ 2024-25માં કરવામાં આવી હતી. પીએમ ઇન્ટર્નશિપ યોજના 2025 માટે 800 કરોડ રૂપિયાનું બજેટ ફાળવવામાં આવ્યું છે. આ યોજનાનો ઉદ્દેશ્ય યુવાનોને વ્યાવસાયિક કાર્ય વાતાવરણનો વ્યવહારુ અનુભવ પૂરો પાડવાનો છે. આ યોજના હેઠળ પસંદ કરેલા ઇન્ટર્નને ભારતની ટોચની 500 કંપનીઓમાં કામ કરવાની તક આપવામાં આવશે.
પીએમ ઇન્ટર્નશિપ યોજના માટે કેવી રીતે નોંધણી કરાવવી?
આ યોજનામાં નોંધણી કરાવવા માટે તમે નીચે આપેલા સ્ટેપ્સ ફોલી કરો
સૌ પ્રથમ તમારે પીએમ ઇન્ટર્નશિપ યોજનાની સત્તાવાર વેબસાઇટ પર જવું પડશે.
તમારે www.pminternship.mc.gov.in ની મુલાકાત લેવી પડશે.
હવે ઉપરના જમણા ખૂણેથી તમારી પસંદગીની ભાષા વિકલ્પ પસંદ કરો.
પછી ‘Youth Registration’ પર ક્લિક કરો.
હવે આધાર સાથે જોડાયેલ તમારો 10 અંકનો મોબાઇલ નંબર દાખલ કરો.
(કૃપા કરીને નોંધ લો કે દરેક મોબાઇલ નંબરનો ઉપયોગ ફક્ત એક જ નોંધણી માટે થઈ શકે છે.)
તમારા મોબાઇલ નંબર પર પ્રાપ્ત થયેલ વન-ટાઇમ પાસવર્ડ (OTP) દાખલ કરો અને પછી આગળ વધવા માટે ‘સબમિટ’ પર ક્લિક કરો.
હવે તમારો પાસવર્ડ સેટ કરો
(નોંધ: જો તમે ત્રણ વખત ખોટો પાસવર્ડ દાખલ કરશો, તો તમારું એકાઉન્ટ 15 મિનિટ માટે લોક થઈ જશે.)
હવે તમારે ડેશબોર્ડ પર તમારી પ્રોફાઇલ પૂર્ણ કરવા માટે ”My Current Statu’ ટેબ પર ક્લિક કરવું પડશે.
તમારી પ્રોફાઇલમાં વિનંતી કરાયેલી બધી માહિતી ભરો. આમાં તમારી પાસેથી શૈક્ષણિક લાયકાત, બેંક એકાઉન્ટ નંબર જેવી વિગતો માંગવામાં આવશે.
હવે તમારે ઇકેવાયસી પૂર્ણ કરવું પડશે. નોંધણી પૂર્ણ કરવા માટે તમારે આધાર અથવા ડિજીલોકરનો ઉપયોગ કરીને ઇકેવાયસી પૂર્ણ કરવું પડશે.
