શ્રીનગર-લેહ રાષ્ટ્રીય રાજમાર્ગ પર 2400 કરોડ રૂપિયાના ખર્ચે બનેલી આ ટનલ 6.5 કિલોમીટર લાંબી ઝેડ-મોડ ટનલ આખું વર્ષ લદ્દાખ આવા-જવાની દિશામાં એક મોટું પગલું હશે. આ ટનલ બનાવવાનુ કામ વર્ષ 2015 માં શરૂ થયું હતું અને ગયા વર્ષે તેનું નિર્માણ કાર્ય પૂરું થયું હતું. આ ટનલને લદ્દાખમાં દેશની સુરક્ષા માટે પણ મહત્ત્વપૂર્ણ માનવામાં આવી રહ્યું છે. આવું એટલા માટે કારણકે આ ટનલ કેન્દ્રશાસિત પ્રદેશ લદ્દાખને દેશના બાકીના વિસ્તાર સાથે પણ જોડે છે.
આ ટનલ શરૂ થયા પછી ગગનગીર અને સોનમર્ગ વચ્ચે અવિરત જોડાણ સુનિશ્ચિત થશે અને ઉનાળામાં લદ્દાખની મુસાફરી પહેલા કરતાં ઘણી સરળ બનશે. ઝેડ મોર્થ ટનલ ૮,૬૫૦ ફૂટની ઊંચાઈ પર સ્થિત છે અને તે બે-લેન રોડ ટનલ છે. આ ઉપરાંત તેમ ઇમરજન્સીની સ્થિતિમાં સમાંતર 7.5 મીટર પહોળો ભાગી જવાનો માર્ગ પણ બનાવવામાં આવ્યો છે.
પીએમ મોદીની મુલાકાત માટે સઘન સુરક્ષા વ્યવસ્થા કરવામાં આવી છે. જમ્મુ અને કાશ્મીર પોલીસ, અર્ધલશ્કરી દળો અને સૈન્યના જવાનોએ પહેલાથી જ ચાર્જ સંભાળી લીધો છે. આ ઉપરાંત, કાર્યક્રમને ધ્યાનમાં રાખીને, આસપાસના વિસ્તારોમાં પેટ્રોલિંગ પણ કરવામાં આવી રહ્યું છે. સુરક્ષા એજન્સીઓ પણ સંપૂર્ણપણે એલર્ટ મોડમાં છે. કાર્યક્રમ અને અન્ય સંવેદનશીલ સ્થળોએ શાર્પ શૂટરો પણ ગોઠવાઈ ગયા છે. ડ્રોન સહિત અન્ય ટેકનિકલ દેખરેખ પણ હાથ ધરવામાં આવી રહી છે. આ વિસ્તાર પર ચોવીસ કલાક નજર રાખવામાં આવી રહી છે.રાષ્ટ્રવિરોધી તત્વો પર નજર રાખવા માટે મહત્વપૂર્ણ ચોકીઓ પર ડઝનબંધ ચેકપોઇન્ટ બનાવવામાં આવ્યા છે. એસપીજી ટીમ પણ ઘટનાસ્થળે પહોંચી ગઈ છે અને ચાર્જ સંભાળી લીધો છે. ટનલનું ઉદ્ઘાટન કર્યા પછી, પીએમ મોદી ગગનગીરમાં એક રેલીને પણ સંબોધિત કરશે. આ ટનલ જમ્મુ અને કાશ્મીર તેમજ ભારત માટે ઘણી રીતે ખૂબ જ મહત્વપૂર્ણ બનવાની છે.
સુરક્ષાને લઈને સંપૂર્ણ તૈયારી
આ કાર્યક્રમ માટે કડક સુરક્ષા વ્યવસ્થા કરવામાં આવી રહી છે કારણ કે ગયા વર્ષે 20 ઓક્ટોબરે ગગનગીરમાં ટનલ પાસે એક મોટો આતંકવાદી હુમલો થયો હતો જેમાં સ્થાનિક ડૉક્ટર સહિત 7 લોકોના મોત થયા હતા. તેથી સેનાની સાથે, સુરક્ષા એજન્સીઓ પણ સંપૂર્ણ સક્રિય મોડમાં છે અને જમીનથી આકાશ સુધી દરેક જગ્યાએ સઘન સુરક્ષા કરવામાં આવી છે.
