પોસ્ટ ઓફિસની ઘણી બચત યોજનાઓ નાના રોકાણકારોમાં ખૂબ જ લોકપ્રિય છે. તેમાંથી એક યોજનાનું નામ છે માસિક બચત યોજના (Post Office Monthly Income Scheme). આ સ્કીમ દ્વારા કોઈપણ વ્યક્તિ દર મહિને કમાણી કરી શકે છે. નિયમિત આવક ઇચ્છતા લોકો માટે આ યોજના ખૂબ જ ફાયદાકારક છે. આ સ્કીમ દ્વારા, તમે 9,250 રૂપિયાની માસિક આવક અને 1,11,000 રૂપિયાની વાર્ષિક આવક મેળવી શકો છો. ચાલો જાણીએ આ યોજના શું છે અને આપણે તેમાં કેવી રીતે રોકાણ કરી શકીએ.
પોસ્ટ ઓફિસ MIS (Post Office Monthly Income Scheme) એક ડિપોઝિટ સ્કીમ છે જેમાં દર મહિને વ્યાજ દ્વારા કમાણી કરી શકાય છે. તમને કેટલી કમાણી થશે, એ તમારી જમા રકમ પર આધાર રાખે છે. એકાઉન્ટ પર મળતું વ્યાજ પોસ્ટ ઓફિસ સેવિંગ્સ એકાઉન્ટમાં જમા થાય છે. તમે 5 વર્ષ પછી તમારી ડિપોઝિટ ઉપાડી શકો છો. જો તમે ભવિષ્યમાં પણ આ યોજનાનો લાભ લેવા માંગતા હો, તો તમે તેમાં રોકાણ કરી શકો છો.
આ સ્કીમમાં સિંગલ અને જોઈન્ટ એકાઉન્ટ ખોલાવી શકાય છે. બે કે ત્રણ લોકો જોઈન્ટ એકાઉન્ટ ખોલાવી શકે છે. ડિપોઝિટ મર્યાદા સિંગલ એકાઉન્ટમાં ઓછી અને જોઈન્ટ એકાઉન્ટમાં વધારે હોય છે. એવામાં જો તમે તમારી પત્ની સાથે જોઈન્ટ એકાઉન્ટ ખોલો, તો તમે વધુ જમા કરી શકો છો અને વધુ કમાણી કરી શકો છો. સિંગલ એકાઉન્ટમાં 9 લાખ રૂપિયા અને જોઈન્ટ એકાઉન્ટમાં 15 લાખ રૂપિયા સુધીનું રોકાણ કરી શકાય છે. માત્ર એક જ વાર ડિપોઝીટ કરાવીને તેના પર 5 વર્ષ સુધી વ્યાજ મળશે. હાલમાં આ સ્કીમ 7.4 ટકાના દરે વ્યાજ આપી રહી છે.
કેવી રીતે કમાશો 1,11,000 રૂપિયા
જો આ સ્કીમ (Post Office Monthly Income Scheme) માં જોઈન્ટ એકાઉન્ટમાં 15 લાખ રૂપિયા જમા કરાવો, તો 7.4 ટકા વ્યાજના દરે વાર્ષિક 1,11,000 રૂપિયા મળે છે અને દર મહિને 9,250 રૂપિયા મળશે. 1,11,000 x 5 = 5,55,000 આ રીતે 5 વર્ષમાં માત્ર વ્યાજમાંથી 5,55,000 રૂપિયા કમાઈ શકાય છે.
સિંગલ એકાઉન્ટ પર કેટલી કમાણી
સિંગલ એકાઉન્ટમાં વધુમાં વધુ 9 લાખ રૂપિયા જમા કરાવી શકાય છે. એવામાં 7.4 ટકા વ્યાજ દર પર, એક વર્ષમાં 66,600 રૂપિયા વ્યાજ મળે છે અને દર મહિને 5,550 રૂપિયા મળે છે. આ રીતે માત્ર વ્યાજ દ્વારા 5 વર્ષમાં 3,33,000 રૂપિયા કમાઈ શકાય છે.
