સ્વતંત્રતા દિવસ નિમિત્તે વડાપ્રધાન નરેન્દ્ર મોદીએ સંસદ અને વિધાનસભાઓમાં મહિલા અનામત (Women’s Quota) ના અમલ માટે તમામ રાજકીય પક્ષોને સાથે આવવા અપીલ કરી છે. તેમણે વિપક્ષને આહ્વાન કરતા કહ્યું કે આ મુદ્દાને રાજકીય લડાઈ ન બનાવો, તેના અમલમાં સહયોગ આપો અને ભલે તેનો સંપૂર્ણ શ્રેય તમે લઈ લો.
આ સાથે જ PM મોદીએ સત્તાના ગલિયારાઓમાં સક્રિય માઓવાદી માનસિકતા ધરાવતા “દિમાગી નક્સલીઓ” સામે ચેતવણી આપી હતી અને ૨૦૪૭ સુધીમાં ભારતને વિકસિત રાષ્ટ્ર બનાવવા માટે યુવાનોને વિવિધ ક્ષેત્રોમાં નેતૃત્વ સંભાળવા આહ્વાન કર્યું હતું.
