ભારતના કોર્પોરેટ અને શેરબજાર ક્ષેત્રમાં મોટો વિકાસ સામે આવ્યો છે. મુકેશ અંબાણીની આગેવાની હેઠળની Jio Platforms આગામી 21 ઓક્ટોબરે IPO લાવવાની તૈયારીમાં હોવાનું રિપોર્ટ્સમાં સામે આવ્યું છે. આ IPO આશરે $3.8 બિલિયન, એટલે કે લગભગ ₹3 લાખ કરોડની આસપાસનું મૂલ્ય ધરાવતો હોઈ શકે છે અને તે ભારતનો અત્યાર સુધીનો સૌથી મોટો IPO બની શકે છે.
રોઇટર્સના અહેવાલ અનુસાર, કંપનીના શેરનું લિ
સ્ટિંગ 28 ઓક્ટોબરે થવાની શક્યતા છે. જો આ યોજના નિર્ધારિત સમય મુજબ આગળ વધે છે, તો Jio Platformsનું બજારમાં આગમન ભારતીય શેરબજાર માટે એક ઐતિહાસિક ઘટના બની શકે છે.
Jio Platforms માત્ર ટેલિકોમ ક્ષેત્ર સુધી મર્યાદિત કંપની નથી. તેના બિઝનેસમાં ટેલિકોમ ઉપરાંત AI, ક્લાઉડ અને એન્ટરપ્રાઇઝ નેટવર્કિંગ જેવા ક્ષેત્રોનો પણ સમાવેશ થાય છે. કંપનીમાં Meta અને Google જેવા વૈશ્વિક રોકાણકારો પણ રોકાણ કરી ચૂક્યા છે.
પ્રસ્તાવિત IPOમાંથી મળનારી રકમનો મોટો હિસ્સો Jioની ટેલિકોમ બિઝનેસ સાથેજોડાયેલા દેવાની ચુકવણી માટે ઉપયોગમાં લેવાઈ શકે છે.
જો આ IPO સફળતાપૂર્વક બજારમાં આવે છે, તો તે 2024માં Hyundai Motor Indiaના આશરે $2.9 બિલિયનના IPO અને તાજેતરમાં થયેલા NSEના આશરે $2.3 બિલિયનના લિસ્ટિંગને પાછળ છોડી શકે છે.
ભારતીય IPO માર્કેટમાં પહેલેથી જ ભારે સક્રિયતા જોવા મળી રહી છે. એપ્રિલથી સપ્ટેમ્બર 2026 દરમિયાન કંપનીઓ દ્વારા IPO મારફતે મોટી રકમ ઊભી કરવામાં આવી છે અને આગામી સમયમાં લગભગ 250 જેટલી કંપનીઓ બજારમાં આવવાની તૈયારીમાં હોવાનું રિપોર્ટમાં જણાવાયું છે.
Jio Platformsનો IPO હવે રોકાણકારો ઉપરાંત સમગ્ર ભારતીય બિઝનેસ જગતની નજરમાં આવી ગયો છે. જોકે, IPOની અંતિમ શરતો, કિંમત અને શેરનું મૂલ્યાંકન સત્તાવાર દસ્તાવેજો અને જાહેરાતો બાદ જ સ્પષ્ટ થશે.
